Gipamatud-an ni Shaira Diaz nga dili siya buntis, taliwala sa mga komento ug pangagpas kabahin sa pagbag-o sa iyang lawas.
Gibutyag ni Diaz pinaagi sa Facebook nga nakigbatok siya sa Polycystic Ovary Syndrome (PCOS), nga matud niya maoy usa sa mga hinungdan sa iyang pagtambok. Giawhag usab sa aktres ang publiko nga likayan ang pagkomento bahin sa iyang lawas tungod sa mga hagit nga iyang giatubang.
Sumala sa World Health Organization, ang PCOS usa ka kasagarang hormonal disorder nga mahimong makaapekto sa regla ug ovulation sa kababayen-an. Gibanabana nga 10 hangtod 13 porsyento sa mga babayeng anaa sa reproductive age ang apektado sa PCOS.
Photo Courtesy: Shaira Diaz/Fb
