Imbis mamakals, gahinoktok na hinoon karon sa prisohan ang usa ka lalaki nga giiilang sa alyas “Sam,” 33 anyos, minyo, trabahante sa konstruksyon ug residente sa Barangay Larrazabal, Naval lalaki human kini giingong nanunggab sa usa ka bisita atol sa usa ka selebrasyon sa birthday didto sa Sitio Bliss, Barangay Calumpang, Naval, Biliran, niadtong nakalabay nga adlaw diin nasikop ra usab sa kapulisan didto sa Rotonda Junction, Barangay San Roque, Biliran, Biliran, pasado alas 2:33 sa kaadlawon karong adlawa, Oktubre 12, 2026.
Sumala sa inisyal nga imbestigasyon, nahitabo ang insidenteng pagpanunggab mga alas 6:15 sa gabii sa miaging adlaw atol sa selebrasyon sa birthday, diin giingong nagsugod ang insidente sa dili pagsinabtanay tungod sa personal nga panagbangi sa usa ka biktima nga misangpot sa pagka-angol diin nakaangkon og samad ang biktima.
Human sa insidente, mikalagiw ang suspek apan nasubay ra usab sa mga kapulisan ang gitagoan sa suspek pinaagi sa ilang operasyon ug pagpaambit sa impormasyon sa mga may kalabotang yunit.
Gidala naman dayon ang suspek sa kustodiya sa Naval Municipal Police Station alang sa dokumentasyon ug pagproseso, samtang giandam ang mga ebidensiya ug dokumento alang sa pagpasaka sa angay nga kasong kriminal.
Photo Courtesy to: PNP Naval Municipal Police Station
