Nagpadayon ang Monkayo Municipal Police Station (MPS) sa pagpalig-on sa mga operasyon batok sa mga naglapas sa balaod aron mapanalipdan ang kalinaw ug kaluwasan sa komunidad.
Sa pakighinabi sa Juander Radyo Nabunturan News Team, gipahibalo ni PLTCOL Florante S. Retes, bag-ong Acting Chief of Police sa Monkayo MPS, nga sukad sa iyang paglingkod isip hepe sa maong estasyon, aduna na silay natala nga mga nadakpan tungod sa lain-laing paglapas sa balaod.-
Giawhag ni Retes ang publiko nga makigtambayayong sa kapulisan ug diha-diha nga ireport sa estasyon ang bisan unsang kadudahang kalihokan sa ilang tagsa-tagsa ka komunidad aron mapadayon ang kalinaw ug kahusay.
