Gipusil patay ang 2-time world boxing champion nga si Zolani Tete gawas sa iyang balay sa Mdantsane, Eastern Cape, South Africa. Sumala sa mga otoridad, naghulat sulod sa sakyanan ang 38-anyos nga boksingero nga maablihan ang gate sa ilang balay dihang giatake siya sa 2 ka armadong suspek ug gipusil sa makadaghang higayon.
Naangol usab ang 27-anyos nga babaye nga iyang kauban ug padayon nga gitambalan sa ospital, samtang naikyas ang 2 ka suspek human sa insidente. Si Tete kanhi WBO bantamweight ug IBF super-flyweight champion ug naghupot usab og Guinness World Record sa labing paspas nga knockout sa title fight sulod lamang sa 11 segundos.
Nagpadayon ang imbestigasyon sa mga otoridad aron mailhan ug madakpan ang mga responsable.
Photo Courtesy: Men’s Journal
