Nakabalik na sa ika-10 nga pwesto sa men’s pole vault world rankings ang Pinoy athlete nga si Ernest John “EJ” Obiena base sa pinakabag-ong gipagawas nga talaan sa World Athletics. Ang maong pagsaka saiyang nga ranking nahitabo pipila ra ka adlaw human sa iyang malampusong pagdepensa sa iyang kampyonato sa bag-ohay lang nga Asian Games nga gipahigayon sa Aichi-Nagoya, Japan.
Nakaabot kaniadto si Obiena sa ikaduhang puwesto sa maong ranggo niadtong Hulyo 2023, apan natangtang sa top 10 human sa nakalabay nga mga pagpahuway tungod sa naangkong angol. Apan pinaagi sa iyang makanunayong mga pakigbatok sa nagkadaiyang kompetisyon karong panahona, gipamatud-an sa maong Filipino pole vaulter nga pabilin gihapon siyang usa sa labing maayong atleta sa tibuok kalibotan ug ang nag-unang gihapon sa tibuok Asya.
Gawas sa pagbalik sa top 10 rankings nga adunay nakuha nga 1,320 ka puntos, dako usab ang iyang garbo human sa pag-angkon og gintong medalya sa pole vault event sa Asian Games sa Japan diin iyang gipanalipdan ang iyang titulo sa gitas-on nga 5.91 metros. Iyang gipahayag nga dako ang iyang kalipay sa maong kalampusan nga naghatag kaniya og maayong pagtapos sa iyang mga sangka karong season.
Photo courtesy: GOFORGOLD/FB
