Gipahibalo ni United States Defense Secretary Pete Hegseth nga bukas sa publiko ug isalida pinaagi sa livestream ang pagpatuman sa silot bitay batok sa kanhi US Army psychiatrist nga si Nidal Hasan. Si Hasan maoy nagpaluyo sa pagpamusil niadtong 2009 sa Fort Hood military base sa Texas diin 13 ka tawo ang nangamatay ug daghan ang nangangol human siya namusil samtang nagsinggit og “Allahu akbar.”
Ipatuman ang maong eksekyuson pinaagi sa firing squad karong Disyembre 3 sa alas-1:00 sa hapon (US Central Time) sa mismong Fort Hood—ang eksaktong oras ug dapit diin nahitabo ang maong krimen. Gibarugan ni Hegseth ang maong desisyon ug gipahayag nga kinahanglang makakita ang publiko ang maong proseso aron ipakita ang bug-at nga silot sa ingon niini nga matang sa krimen, human kini giaprubahan ni Presidente Donald Trump.
Gipahamtangan og silot nga kamatayon si Hasan niadtong 2013 tungod sa 45 ka counts sa premeditated murder ug attempted murder. Kining maong hitabo mao ang kinaunahang higayon sa kasaysayan sa Estados Unidos nga isalida sa telebisyon o online ang usa ka pederal o militar nga eksekyuson, samtang ang paggamit sa US military og firing squad nahitabo niadtong tuig 1945.
Photo courtesy: Democracy Now
