Nasikop sa kapulisan ang usa ka 46-anyos nga lalaki nga giklasipikar isip No. 7 Provincial-Level Most Wanted Person tungod sa kasong robbery, atol sa pagpatuman sa warrant of arrest sa Barangay Mansilingan, Bacolod City, alas 7:20 sa gabii, Dominggo, Oktubre 11, 2026.
Ang operasyon gipahigayon sa mga personahe sa Police Station 7 sa Bacolod City Police Office (BCPO), ubos sa pagpangulo ni PCPT Jay-R P. Reyes, officer-in-charge.
Ang suspetsado, nga giila sa mga alyas nga “Alex,” “Rigor,” ug “Archomides,” residente sa Barangay Vista Alegre, Bacolod City, gidakop pinasikad sa warrant of arrest nga may kalabotan sa kasong robbery, ubos sa Criminal Case No. 26-64686.
Ang maong warrant gi-isyu ug gipirmahan sa presiding judge sa Regional Trial Court sa Sixth Judicial Region, Bacolod City, niadtong Septiyembre 16, 2026. Ang korte nagtino og ₱100,000 nga piyansa alang sa temporaryong kagawasan sa akusado.
Human sa pagdakop, gidala ang akusado sa Police Station 7 alang sa tukmang dokumentasyon ug sunod nga legal nga mga proseso.
Sumala sa BCPO, ang maong operasyon kabahin sa padayon nilang paningkamot sa pagdakop sa mga tawo nga adunay naghulat nga warrant of arrest ug sa pagpatuman sa balaod sa Bacolod City.
Photo courtesy: PNP BCPO PIO
