Sikop ang usa ka 38-anyos nga lalaki nga residente sa Molave ug bag-ong nalakip sa listahan isip Street-Level Individual atol sa buy-bust operation nga gilusad sa Purok Tarsing, Barangay Bogo Capalaran, Molave, Zamboanga del Sur, mga alas 10:55 sa gabii, Oktubre 12.
Gikasa ang operasyon sa nga personahe sa Molave Municipal Police Station, sa koordinasyon sa Philippine Drug Enforcement Agency (PDEA) Region 9 ang operasyon nga miresulta sa pagkadakop sa suspetsado.
Narecover atol sa operasyon ang lima ka gagmayng pakete sa gidudahang shabu, buy-bust money, ug gamayng transparent cellophane nga gigamit isip sudlanan.
Gidala ang suspetsado ug ang mga nakumpiskang ebidensiya sa Molave Municipal Police Station alang sa hustong disposisyon. Samtang, gisubmitar ang gidudahang ilegal nga droga ngadto sa Zamboanga del Sur Provincial Forensic Unit sa Camp Abelon, Pagadian City, alang sa laboratory examination.
Photo courtesy: PIO ZSPPO
