Gipagawas na sa magtiayong Dingdong Dantes ug Marian Rivera ang opisyal nga poster sa ilang bag-ong pelikulang Remember, nga ipasalida sa mga sinehan sa tibuok nasud karong Nobyembre 11, 2026.
Gipahigayon ang pagpagawas sa poster niadtong Sabado sa gabii, diin personal nga gipadayag sa magtiayon ang ilang kalipay atubangan sa mga fans.
Ang pelikula naghisgot sa managtiayong nagkalayo ang pagbati apan napugos sa pagpakaaron-ingnon nga nagkahiusa pag-usab alang sa ilang anak nga hinayhinay nang nawad-an sa panumduman.
Gidumala ni director Mae Cruz Alviar ang pelikula nga gikuhaan og mga eksena sa Quebec, Canada. Apil usab sa cast sila Kyle Echarri, Joross Gamboa ug uban pang mga artista.
Photo courtesy: Filipinas in Showbiz
