Usa ka pastor sa nasud Zimbabwe nanghambog atol sa iyang wali nga naa siyay personal phone number sa Dios ug mamahimo siyang makapanawag direkta niini aron makig-istorya sa Ginoo.
Giila ang maong Pastor nga si Paul Sanyangore kinsa nahimong viral niadtong 2017 kinsa nag-ampo alang sa iyang mga miyembro gamit ang pikas kamot, samtang ang pikas nagunit sa cellphone nakig-istorya matud pa sa Ginoo.
Pamahayag sa pastor nga naa siyay direktang kontak ngadto sa Dios ug kanunay siya manawag aron mangayo og instructions gikan sa Ginoo.
Matud sa maong pastor nga nadawat niya kini samtang nag-ampo ug nadungog niya ang tingog nga nagsugo kaniya nga motawag diretso. Gani sa nagviral nga video, giingnan niya ang babaye nga ang langit nagsugo nga kinahanglan iampo ang iyang duha ka anak.
Nakaplano usab ang maong pastor nga magbuhat og segment nga gitawag og “Heaven Online,” aron makit-an ug madunggan sa mga tawo ang ilang panag-istoryahay sa Ginoo ug gani buot niya nga isulti sa publiko ang numero sa cellphone sa Ginoo.
Apan nausab ang iyang hunahuna ug wala kini mahinayon kay matud niya dili ordinaryong numero ang cellphone number sa Ginoo.
Photo courtesy: UK NEWS
