Mokabat sa Php 900,988.00 nga kantidad sa ilegal nga droga ug 50 ka mga wanted person hingpit nasakmit ug nadakpan sa Bukidnon Police Provincial Office (BPPO) sa gipahigayong mga operasyon gikan Setyembre 28 hangtod Oktubre 4, 2026.
Sa gipagawas nga rekord sa Bukidnon PPO, nakasakmit ang kapulisan og 132.41 gramos sa shabu ug 5 gramos sa marijuana pinaagi sa 13 ka operasyon nga miresulta sa pagkasikop sa 13 ka suspek. Subay niini, naaresto usab ang 3 ka most wanted persons’ ug 11 ka other wanted persons pinaagi sa 66 ka gipahigayong manhunt operations sa tibuok lalawigan.
Nakatala usab ang kapolisan sa mga dakong accomplishment batok sa illegal logging, loose firearms, illegal fishing, ug smuggled cigarettes.
Tungod niini, gipadangat ni PCOL Oliver S. Navales, Provincial Director ang iyang pagdayeg sa mga pulis sa ilang walay-puas nga dedikasyon sa pagpanalipod sa kalinaw sa Bukidnon.
Photo courtesy: BukPPO/OPD
