Nadakpan sa mga operatiba sa Banaybanay Municipal Police Station (MPS) ang usa ka lalaki nga giklasipikar isip Top 5 Most Wanted Person sa regional level sa Davao Oriental atol sa gihimong Manhunt Charlie Operation.
Ang pagdakop gipahigayon sa tracker team sa Banaybanay MPS ubos sa pagpangulo ni PMAJ Kevin E. Pamaos, ACOP. Ang suspek giatubang ang mga warrant of arrest nga may kalabotan sa tulo ka ihap sa Acts of Lasciviousness ug upat ka ihap sa kasong Rape.
Sa pagkakaron, anaa na siya sa kustodiya sa Banaybanay MPS alang sa hustong disposisyon ug dugang nga proseso subay sa balaod. Gipasabot nga ang maong operasyon nahiuyon sa PNP Focused Agenda ni Chief PNP PGEN Jose Melencio C. Nartatez Jr., nga nagtumong sa pagpalambo sa usa ka mas responsive ug accountable nga serbisyo sa kapulisan.
Kabahin usab kini sa padayong pagpalig-on sa Enhanced Managing Police Operations pinaagi sa makanunayong manhunt operations batok sa mga wanted person nga giatubang ang seryosong mga kasong kriminal.
Photo courtesy: Banaybanay MPS
