Nagtuo ang Police Regional Office 10 nga mapadayon sa bag-ong Officer-in-Charge Regional Director ang mga kampanya nga nasugdan ni PBGen Christopher Abrahano.
Kini human nga mibalhin si Abrahano isip bag-ong Regional Director sa National Capital Region Police Office (NCRPO). Matod ni Police Major Joan Navarro, spokesperson sa PRO-10, nakamando na daan si Abrahano nga kinahanglan mapadayon ang mga programa batok sa kriminalidad, lakip na ang kampanya batok sa smuggling sa rehiyon.
Gipahayag ni Navarro nga andam usab ang bag-ong OIC Regional Director nga si PBGen Aaron Mandia sa pagpadayon ug pagpalig-on sa mga kampanya. Tumong niini nga masiguro ang padayon nga pagpatuman sa mga police operations ug pagpalig-on sa seguridad sa Northern Mindanao.
Photo courtesy: PNP Police Regional Office 10
