Padayong gipatuman sa Lokal nga Panggamhanan sa Gingoog City ang temporaryong suspension sa face-to-face classes sugod alas 11:00 sa buntag sa tanan pampubliko ug pribado nga mga tulunghaan sa tanang lebel. Gianunsyo kini ni Gingoog City Mayor Eric Cañosa atol sa flag raising ceremony kagahapong adlawa, subay na sab sa gipagulang Executive Order No. 40-A, Series of 2026.
Dugang sa Mayor, alang sa Tertiary/College Level, mamahimo na nga i-resume ang face-to-face classes sugod alas singko sa hapon, base sa insitutional policies ug safety conditions sa matag eskwelahan.
Pagpasabot ni Cañosa, kabahin kini sa gipatuman nilang mga precautionary measure tungod sa hulga sa taas nga heat index, ug aron mapanalipdan ang kaluwasan ug kaayohan sa mga estudyante, magtutudlo, ug uban pang school personnel. Padayon sab ang suspensyon sa pagsuot sa office ug school uniform sa nagkadaiyang buhatan ug tunghaan sa dakbayan sa Gingoog.
Photo courtesy: Mayor Erick G. Cañosa/ Facebook
