Daling gidala sa ospital ang usa ka binilanggo sa Tennessee nga si Christa Pike human napakyas ang pagsulay sa pagpatay kaniya pinaagi sa duha ka lethal injection.
Kalabot niini, ang iyang legal team nagpasaka og emergency motion aron hunongon ang pagpatay sa nakonbikto nga mamumuno samtang nagpadayon pa kini, nga nag-ingon: “Nawad-an na sa panimuot si Ms. Pike apan aduna pa siyay pitik sa kasingkasing ug madungog ang iyang paghagok.”
Usa sa iyang mga abogado miingon nga ang moang 50-anyos nga babaye karon “gihatagan og mga lakang aron maluwas ang iyang kinabuhi” sa ospital human gi-inject-an og duha ka syringe sa pentobarbital.
Si Pike gisentensiyahan og kamatayon niadtong 1996 tungod sa pagpatay sa 19-anyos nga si Colleen Slemmer. Ang sentansyang pagbitay kaniya nahimong sentro sa usa ka legal nga panagbangi hangtud sa katapusang mga gutlo.
Apan sa kaulahian nagdesisyon sa US Supreme Court nga tugotan ang pagpadayon sa pagbitay kaniya pinaagi sa sa lethal injection.
Gihatagan si Pike og duha ka dosis sa kemikal nga pentobarbital ug ang kurtina sa witness room gisirad-an sa makaduha ka higayon, sumala sa taho sa mga taho.
Subay sa protocol sa Tennessee alang sa pagbitay, naglatid nga kinahanglan adunay ikaduhang set sa mga syringe nga adunay pentobarbital kung dili mamatay ang tawo human sa unang set.
Apan wala kini naglatid kung unsa ang mahitabo kung buhi pa ang tawo human sa ikaduhang set.
Photo courtesy: News 9
