Nibalik sa spotlight ang singer nga si Lyca Gairanod human mahimong viral pag-usab ang iyang debut song nga “Puede Nang Mangarap.”
Matud ni Lyca, wala siya kahibalo nganong kalit kining misikat pag-usab hangtod sa iyang pagmata nga daghan na kaayong notifications ug mga tawo nga nag-tag kaniya sa social media.
Ang maong kanta iyang gi-record sa dihang 10 anyos pa lamang siya, human siya mahimong grand champion sa unang season sa The Voice Kids Philippines niadtong 2014.
Matud ni Lyca, mas nasabtan na niya karon ang lawom nga kahulugan sa kanta tungod kay 21 anyos na siya, ug ang lyrics konektado sa iyang kaugalingong istorya sa kinabuhi.
Ang iyang pagdaog sa singing competition nahimong turning point sa ilang pamilya, diin ang iyang inahan nga si Jessa Gairanod miundang sa pagtrabaho isip yaya o katabang aron mahimong kanunay niyang kauban ug motabang sa iyang career.
Photo courtesy:Fast Talk | YT
