Mobalik sa isla sa Camotes ang National Age Group Triathlon kun NAGT karong Oktubre 24 ug 25, diin kapin 500 ka mga atleta gikan sa nagkalain-laing dapit sa nasod ang gilauman nga moapil.
Gibanabana nga 548 ka triathletes ang makigkompetensya sa duha ka adlaw nga kalihukan, lakip ang pipila sa mga nangunang triathletes sa Pilipinas. Lakip sa mga Cebuano nga moapil si 2023 Southeast Asian Games gold medalist Matthew Justine Hermosa ug national team prospect Christy Ann Perez.
Ang NAGT mobalik sa Camotes sukad sa unang pag-host niini sa isla niadtong 2017. Kauban sa pagpahigayon niini ang Cebu Provincial Sports Commission ug Triathlon Association of the Philippines.
Sugdan ang kompetisyon sa NAGT Duathlon sa Tudela Central School karong Oktubre 24, sundan sa NAGT Aquathlon sa Santiago White Beach.
Photo Courtesy:Triathlon Association of the Philippines
