Miigo ang Magnitude 7.7 nga linog mitay-og sa kadagatan duol sa isla sa Flores, Indonesia Sabado sa buntag, nga nakadaot sa pipila ka mga balay ug nakahatag kabalaka sa mga residente.
Sumala sa United States Geological Survey o USGS, nahitabo ang linog pasado alas-6 sa buntag, lokal nga oras, ug nahimutang mga 68 kilometros sa amihanan-kasadpan sa Ende, East Nusa Tenggara.
Gisundan kini og sunod-sunod nga mga aftershock. Nagpagawas usab og tsunami warning ang Indonesian national geophysics agency, apan sa ulahi kini gibawi.
Gidasig ang mga residente nga mangadto sa mas taas nga lugar ug likayan ang mga baybayon ug coastal areas. Wala pay kumpirmadong report sa mga namatay o nasamdan.
Base sa USGS, kapin sa 500 mil ka tawo ang apektado sa kusog ngadto sa grabeng pag-uyog sa yuta, nga mahimong hinungdan sa kadaot ilabi na sa mga istrukturang dili lig-on.
Ang Flores usa ka isla sa Indonesia nga adunay populasyon nga mokabat sa duha ka milyon. Nailhan usab kini sa mga matahom nga volcanic lakes ug isip agianan padulong sa Komodo National Park.
Photo Courtesy: South China Morning Post
