Sikop sa hiniusang pwersa sa kapulisan sa GSCPO SWAT,CIT Gensan-RIU12,ug Police Station 5 ang usa ka Lalaki atol sa gipahigayon nga search warrant diha sa iyang panimalay sa Purok Dr Acharon, Barangay Tambler, General Santos niadtong nakalabay nga adlaw. Ang dinakpan naila nga si alyas Gorio 38 anyos ulitawo mananagat ug residente sa nasampit nga Baranga.
Atol sa operation sa Otoridad nga dihang giimplementahan siya sa iyang search warrant no. 26-148 sa Violation of Article V, section 28 of Republic Act no. 10591 nga giisyu sa Executive Judge, Regional Trial Court, Branch 23, General Santos City na positibo kini ug nasakmitan ug usa ka Caliber .38 Revolver nga walay serial number, ug tulo ka buhing bala.
Sa pagkakaron balhog na kini sa selda sa police station 5, samtang gihikay ang kasong may kalabutan sa iligal nga paghupot sa armas ug mga bala, og gitugyan na sa regional forensic unit 12 alang sa laboratory ug ballistic examinations niini.










