Mibisita ang grupo sa Juander Radyo Digos 99.7 FM, kauban si Station Manager May Luna Azucenas, sa Davao del Sur Police Provincial Office aron mohimo og courtesy call kang PCol. Werenfredo S. Regidor Jr., Provincial Director sa DSPPO, niadtong Nobyembre 13, 2026.
Matud ni PCol. Regidor, hugot niyang gimandoan ang tanang personahe sa kapulisan nga maglikay sa bisan unsang ilegal nga kalihokan ug magtuman lamang sa ilang katungdanan.
Dugang ni PCol. Regidor, padayong naningkamot ang kapulisan sa pagmintinar sa kalinaw ug kahapsay sa tibuok Davao del Sur, samtang giawhag ang katawhan nga ireport ang bisan unsang kahinahinalang kalihokan.
Gipahimangnoan usab ang publiko nga ang pagmintinar sa kalinaw ug seguridad dili lamang responsibilidad sa kapulisan, kondili sa matag lungsoranon pinaagi sa pagkamatinabangon, pagkamabinantayon pinaagi sa pagtaho sa mga ilegal nga kalihokan.










