Nanginahanglan pa og dugang 40 ka nurses ang Bureau of Jail Management and Penology (BJMP) alang sa pagpalig-on sa serbisyong panglawas alang sa akomodra sa 15,465 ka Persons Deprived of Liberty (PDL) sa tibook Central Visayas.
Sa pagkakaron, 60 lamang ka nurses ang nagserbisyo sa 33 ka jail facilities sa rehiyon. Samtang, sayo nang nangandam ang BJMP sa posibleng epekto sa El Niño pinaagi sa pagpalambo sa bentilasyon, kalimpyo ug suplay sa tubig sa mga pasilidad.
Duha ka jail facilities sa Sugbo ang nag-atubang og problema sa tubig ug kasamtangang gisuportahan pinaagi sa water tankers samtang giandam ang operasyon sa bag-ong water well sa Barangay Kalunasan.
Matod ni Assistant Regional Director JSSUPT Gil Inopia Jr., sayo nilang gisugdan ang pagpangandam aron malikayan ang mga kakulangon sa suplay ug serbisyo nga ilang nasinati kaniadto.
Photo Courtesy:BJMP










