Arestado ang usa ka 62-anyos nga lalaki nga giapil sa listahan sa Other Wanted Persons (OWP) tungod sa kasong statutory rape sa gipahigayong operasyon sa kapulisan niadtong nakalabay nga adlaw sa Purok Mainuswagon, Barangay Dajay, Surallah, South Cotabato.
Giila ang dinakpan sa alyas nga Tado, 62-anyos, minyo, usa ka mag-uuma ug residente sa Landan, Polomolok, South Cotabato. Gipangunahan ni PSMS Alfredo A. Gardose Jr., warrant personnel sa Surallah Municipal Police Station, ang operasyon kauban ang mga operatiba sa CIDG South Cotabato, PFU 12, RACU 12 ug SCPHPT.
Gidakop ang akusado pinaagi sa warrant of arrest tungod sa kasong paglapas sa Article 266-A (1)(d), kalabot sa Article 266-B sa Revised Penal Code, nga giusab pinaagi sa Republic Act 8353.
Gipagawas ang warrant ni Judge Genevieve B. Tutica-Valles sa Regional Trial Court Branch 13, Polomolok, South Cotabato niadtong Oktubre 19, 2026, diin walay girekomendar nga piyansa alang sa temporaryong kagawasan.
Naa na sa kustodiya sa kapulisan ang dinakpan alang sa hustong disposisyon.










