Gihatagan og oportunidad ang mga Iliganon nga maka trabaho sa Taiwan pinaagi sa Hospitality Skilled Worker Recruitment Program nga walay placement fee. Kini human mibisita sa Iligan ang mga opisyal sa Taipei Economic and Cultural Office (TECO) ug Department of Migrant Workers (DMW) aron hisgutan ang maong programa.
Opisyal kining gipagawas sa Local Governmen Unit (LGU)-Iligan pinaagi sa ilang facebook post. Pinaagi sa Government-to-Government arrangement, gibanabana nga mokabat sa NT$32,000 o kapin ₱61,500 ang binulan nga sweldo, gawas pa sa overtime pay, lakip ang social insurance.
Giawhag ang mga interesado nga mangutana sa PESO Iligan alang sa kwalipikasyon ug proseso sa pag-aplay.










