Nasakmit sa kapulisan ang 120 ka reams sa gituohang smuggled cigarettes ug nadakpan ang duha ka indibidwal atol sa anti-smuggling operation sa Barangay Panay, Sto. Niño, South Cotabato, pasado alas 9:10 sa kagabhion niadtong nakalabay nga adlaw.
Narekober gikan sa usa ka motorsiklo nga adunay sidecar ang 85 ka reams sa New Berlin ug 35 ka reams sa Canon Menthol nga gibanabana og kantidad nga 102 mil 684 pesos.
Gipahigayon ang operasyon sa mga personahe sa 2nd SCPFMC, 4th Maneuver Platoon, inubanan sa Sto. Niño Municipal Police Station ug mga opisyal sa barangay atol sa naandang checkpoint operation. Gikoordinar usab ang maong operasyon sa Bureau of Customs o BOC sa General Santos City.
Sa pagkakaron, anaa na sa kustodiya sa mga otoridad ang duha ka suspetsado ug ang mga nakumpiskang sigarilyo alang sa tukmang legal nga proseso.
Padayon usab nga gipakusog sa South Cotabato Police Provincial Office ubos sa pagpangulo ni PCOL Isralene Z. Lauren ang kampanya batok sa pagpamaligya ug pag-apod-apod sa mga kontrabando nga produkto.
Photo courtesy: SCPPO










