Nakaabot sa bag-ong merkado ang lokal nga cacao human ang Pilipinas mipadala sa unang komersyal nga shipment niini ngadto sa New Zealand. Ang 6,000 ka kilo nga fermented cacao beans gikan sa Kapalong, Davao del Norte, gipadala ug gilauman nga moabot sa Port of Lyttelton sa tunga-tunga sa Agosto.
Matud sa Department of Agriculture (DA), miabot sa 6,232 metric tons ang kinatibuk-ang cacao exports sa nasud niadtong 2025. Ang unang shipment ngadto sa New Zealand gilauman nga makahatag og dugang merkado ug oportunidad sa mga lokal nga mag-uuma.
Giingon ni Agriculture Secretary Francisco Tiu Laurel Jr. nga ang pag-abli sa bag-ong export markets makatabang sa pagdugang sa kita sa mga mag-uuma ug makahatag og dugang foreign exchange sa nasud.
Ang shipment gipangulohan sa Pemline Export Trading Co. kauban ang Kapalong Cooperative. Gisusi kini sa DA ug Plant Quarantine Service aron masiguro nga nakasunod sa mga kinahanglanon sa New Zealand, lakip ang fumigation ug aeration process sa mga cacao beans.
Photo courtesy: Pinterest
