Nisaad ang gobyerno sa Thailand, nga pahugtan ang pagkontrolar sa mga armas ug ang pag-gukod sa mga ihalas nga armas subay sa nahitabo nga duha ka mga nagsunod nga insidente sa pagpamusil patay sa duol sa sentro sa Bangkok.
Sa nasayran, ang Thailand ang usa sa labing taas og ihap sa mga nanag-iya og armas sa Asya bisan pa man sa strikto nga mga polisiya niini. Diin subay sa nagsunod nga nahitabo nga pagpamusil bag-ohay pa lang, didto sa Non-tha-buri province, nga anaa nahimutang sa amihanang-kasadpan sa Bangkok, gihingusgan karon ang mga panawagan sa mas hugot nga pagpatuman sa pagkontrolar sa mga armas.
Kahinumduman nga namusil ang usa ka tinun-an sa usa ka tunghaan ug sa ilang pinuy-anan niadtong nakalabay nga Biyernes, hinungdan sa pagkamatay sa walo ka mga tawo ug pagkaangol sa laing 20. Sumala pa nga naghikog sab ang suspek human kini namusil.
Diin, human sa tulo ka adlaw, namusil usab ang usa ka kanhi magbabalaod ngadto sa usa ka buhatan sa gobyerno hinungdan nga gidakop kini sa mga ototoridad. Atol sa insidente, usa ang namatay samtang usa ang naangol.
Matod sa tigpamaba sa gobyerno sa Thailand, Lalida Persvivatana nga gihingusgan na sa gobyerno ang pagpahugot sa pagpanag-iya og mga armas lakip na ang paggukod sa mga ihalas nga mga armas. Nagpahigayon usab sila og information drive labot sa mga responsibilidad ug limitasyon sa pagpanagiya og armas.
Santang, nimando sab niadtong Martes si Prime Minister Anutin Charn-vi-ra-kul og dinalian nga pagtan-aw sa mga regulasyon sa pagpanag-iya og armas lakip na ang pagsuspenso sa bag-ong mga permits sa pagpalit og mga armas ingon man pag-review sa mga permits.
Photo courtesy: The Nation Thailand
