Gipalit sa Amerikanong negosyante nga si Josh Kushner ug kanhing Disney executive nga si Bob Iger, ang Los Angeles Lakers sa kantidad nga $12.5 bilyon. Nasabutan nga sila si Kushner ug Iger ang mopuli sa pagkontrol sa interes sa Lakers gikan ni Mark Walter, kinsa mipalit sa majority stake sa team gikan sa pamilyang Buss sa kantidad nga $10 bilyon niadtong Oktubre 2025.
Si Kushner ug Iger miingon nga sila mapasigarbuhon nga mahimong bag-ong tag-iya sa usa sa labing iconic nga mga team sa basketball sa kalibutan. Nanumpa usab sila nga ipadayon ang kalampusan sa Lakers ug palig-onon ang relasyon sa team sa mga fans ug sa Los Angeles.
Samtang, si Walter miingon nga ang pagpanag-iya sa Lakers usa sa labing dako nga dungog sa iyang kinabuhi, ug nagtuo siya nga mas daghang kalampusan ang nagpaabot sa team.
Sa wala pa ang pagpalit sa Lakers, sila si Kushner ug Iger gikataho nga lakip sa mga interesado nga partido nga nagtinguha nga makakuha og usa ka NBA expansion team sa Las Vegas.
Ang Lakers, nga natukod niadtong 1947, nakaduwa na sa 32 ka NBA Finals ug nakadaog og 17 ka titulo, ikaduha sa Boston Celtics nga adunay 18 ka titulo.
Photo Courtesy: x.com
