Balhog sa prisohan ang usa ka lalaki kinsa nagpayuhot sa ginadiling drugang shabu pinaagi sa gilusad nga drug buy-bust operation sa kapulisan sa Purok Isla Dagami, Barangay Turno, Dipolog City niadtong nakalabay nga adlaw.
Giila ang dinakpan nga si alyas Esme, 31-anyos, kinsa nasakmitan sa 4 ka gagmay nga pakete sa shabu nga motimbang sa 1 ka gramo ug nagkantidad ug Php6,800.00.
Dugang narecover gikan sa dinakpan ang marked buy-bust money, a transparent self-sealing plastic gigamit isip container sa droga, disposable lighter, mobile phone ug sling bag.
Gipaslak sa selda sa Dipolog City Police Station ang dinakpan ug gipasakaan sa kasong paglapas sa RA 9165 kon Comprehensive Dangerous Drugs Act of 2002 samtang ang mga nkumpiska nga mga ebidensya giturnover sa Zamboanga del Norte Provincail Forensic Unit alang sa eksaminasyon.
Photo Courtesy: The Guardian
