Nakahimo og kaugalingong cellphone ang usa ka Grade 12 student nga si Simon Petrus, nga taga Mamibia, gamit ang mga piyesa gikan sa daan nga mga telepono ug telebisyon o scrap materials.
Talagsaon ang iyang imbensyon tungod kay makahimo kini og tawag nga dili kinahanglan og SIM card o load, basta naa sa lugar nga adunay radio frequency. Aduna usab kini’y built-in nga TV, radyo, suga, bentilador, ug mga saksakan nga mahimong gamiton sa pag-charge sa ubang devices.
Tungod sa iyang innovative nga imbensyon, nakadaog si Petrus sa usa ka school technology competition sa ilang rehiyon. Dako usab ang tabang sa iyang mga magtutudlo sa pagpalambo sa proyekto, samtang ang iyang mga ginikanan maoy nangita og pondo aron mahuman ang iyang duha ka tuig nga proyekto.
Nagpakita ang iyang imbensyon nga pinaagi sa pagkamamugnaon, determinasyon, ug suporta sa pamilya ug mga magtutudlo, posible nga makahimo og mga teknolohiya bisan gamit ang mga daan ug recycled nga materyales.
Photo Courtesy: Arvin Polo TV
