Gipabakwit ang kapin 1,200 ka indibidwal gikan sa usa ka campsite, human misilaob ang duha ka managlahi nga sunog sa kalasangan duol sa usa ka baybayon sa France. Gibalhin ang mga residente ug mga turista ngadto sa evacuation shelter alang sa ilang kaluwasan.
Bisan paman kontrolado na ang pipila ka sunog, padayon gihapon ang pagkaylap sa usa pa tungod sa dili maayong kahimtang sa panahon. Naglisod usab ang mga otoridad sa pagsulod sa pipila ka lugar, hinungdan nga mas dali mikaylap ang kalayo sa kalasangan.
Padayon nga nakasinati og grabeng mga sunog sa kalasangan ang France, ug ubang bahin sa Europe tungod sa nagkagrabeng kainit sa panahon ug pagbag-o sa klima. Matud ni French Environment Minister Monique Barbut, mahimong moabot sa 15 bilyon ka euro, o kapin P1 trilyon, ang kadaot nga gipahinabo sa mga heatwave sa nasod.
Photo Courtesy: Linkedln
