Gitangtang na sa Department of Agriculture (DA) ang temporary ban sa pag-import sa domestic ug wild birds gikan sa Japan human madeklarar nga free na ang nasud sa highly pathogenic avian influenza (HPAI).
Base sa risk assessment sa ahensya, giisip na nga negligible ang risgo sa pagkatap sa maong sakit pinaagi sa mga poultry imports sama sa day-old chicks ug hatching eggs.
Apan giingon sa DA nga magpabilin ang veterinary inspection, quarantine protocols ug import requirements aron mapanalipdan ang lokal nga poultry industry.
Matud ni Agriculture Secretary Francisco Tiu Laurel Jr., ang pag-alsa sa ban makatabang sa food security ug sa pagsiguro sa suplay sa kalidad nga breeding materials, apan dili kini pasabot nga paluwagon ang mga lakang sa biosecurity.
Photo Courtesy: Philippine News Agency
