Supak ang Greenpeace Philippines ang plano sa administrasyong Marcos nga magpatukod og waste-to-energy facilities isip tubag sa nagkagrabeng problema sa basura.
Matud sa grupo, delikado ug dako usab og gasto ang teknolohiya sa pagsunog sa basura aron mahimong enerhiya ug dili niini masulbad ang pagbara sa mga kanal ug suba tungod sa single-use plastics.
Sa baylo, giawhag sa environmental group ang gobyerno nga unahon ang pagkunhod sa basura sa tinubdan, lakip ang pag-regulate sa sachets ug uban pang problemadong plastik, pagpalapad sa refill ug reuse systems, ug mas istriktong pagpatuman sa Extended Producer Responsibility Act.
Gisuportahan usab niini ang dugang nga recycling, composting ug community-based waste management ubos sa mga LGU.
Photo Courtesy: Greenpeace
