Gipahigayon sa mga personnel sa Kidapawan City Police Station, ubos sa pagpangulo ni PSSg Anamarie E. Abatay, Assistant CCAD PNCO, ang Project WASHES o Wellness Advocacy Sanitation and Health Elementary School sa Sumahayon Elementary School, Barangay Perez, Kidapawan City.
Kabahin sa maong kalihokan ang OPLAN LICE ALIS o “Kuto Alis,” Alis Tutuli Operation, ug libreng gupit para sa mga estudyante. Gipangulohan kini sa kapulisan uban sa ilang partner nga Love Jan Foundation.
Tumong sa programa ang pagpalambo sa kahinlo, kahimsog ug maayong personal nga pag-atiman sa mga kabataan. Pinaagi niini, gidasig usab ang mga estudyante sa pagpraktis sa hustong hygiene aron malikayan ang mga sakit ug uban pang problema sa panglawas.
Photo Courtesy:PNP Kidapawan City Police Station
