Usa ka “weird” nga comfort room sa Philippine National Railways (PNR) ang nahimong viral sa social media tungod sa talagsaong pagkadisenyo niini. Bisan adunay tubig ug medyo limpyo ang lababo, ang setup sa kasilyas maoy nakapukaw sa atensyon sa mga commuter tungod kay kulang kini sa privacy.
Gidescribe sa mga report ang pasilidad isip “three-in-one” toilet, diin ang mga kasilyas gibutang sa usa ka arrangement nga nakapapangutana sa publiko kung giunsa kini mahimong komportable gamiton sa daghang tawo.
Tungod sa pagkadisenyo niini, adunay mga nanawagan sa Department of Transportation (DOTr) nga aksyunan ang problema ug tan-awon usab ang contractor nga naghimo sa maong pasilidad.
Sa social media, dali kining nahimong kataw-anan tungod sa pangutana sa mga netizen: “CR ni o group project?” Apan gawas sa kataw-anan, seryoso ang punto sa kontrobersiya—kay ang comfort room nga gitukod para sa publiko kinahanglan dili lang adunay tubig ug lababo, kundili kinahanglan usab og hustong privacy ug praktikal nga disenyo.
Photo Courtesy: PEP.ph
