Nakadaog og tulo ka gold medal ang 19-anyos nga Filipino weightlifter nga si Albert Ian Delos Santos sa 2026 Asian Youth and Junior Weightlifting Championships sa Tashkent, Uzbekistan.
Gikontrol ni Delos Santos ang men’s 70kg junior category, diin siya nanguna sa snatch nga 141 kilos, clean and jerk nga 180 kilos, ug total nga 321 kilos.
Kini ang unang gold medal niya sa snatch, nga dugay nang wala niya makab-ot sa maong kompetisyon. Nabreak usab niini ang world ug Asian junior records sa 70kg category human malampuson nga maalsa ang 180-kilogram clean and jerk.
Niadtong Mayo, nabreak usab si Delos Santos sa world junior record sa clean and jerk human niya gialsa ang 187 kilos sa 2026 IWF World Junior Weightlifting Championships sa Egypt. Sunod nga kompetisyon ni Delos Santos ang 20th Asian Games sa Aichi-Nagoya, Japan karong Septiyembre.
Sa kinatibuk-an, nakakuha ang Pilipinas og 16 gold, 6 silver ug 9 bronze medals sa maong Asian Youth and Junior Weightlifting Championships.
Photo Courtesy: Philippine News Agency
