Nakapukaw sa dakong atensyon sa mga residente ug netizens ang usa ka talagsaong estruktura nga sama sa tinuod nga barko sa tunga sa usa ka residential area sa Navotas, nga usa diay ka building nga gitawag og M/S Noah.
Ang maong establisyemento gipanag-iya sa pamilya ni Isaac De Guzman ug gitukod gamit ang pipila ka teknik ug materyales nga kasagarang gigamit sa tinuod nga mga barko. Mas misikat pa kini pag-ayo human mikaylap sa social media ang litrato niini nga napalibotan sa baha, hinungdan nga daghan ang nahibulong ug nalingaw sa maong talan-awon.
Apan luyo sa porma niini, ang M/S Noah usa ka commercial establishment nga nagtanyag og cruise ship-inspired nga kasinatian diin makita sa sulod ang restaurant, events place, spa, manicure ug pedicure services, ingon man usa ka sauna.
Matod pa ni Isaac, nahimong dakong bentaha ang pag-viral sa ilang building tungod kay midagsa ang mga bisita ug kostumer, butang nga nakahatag og positibong epekto ug panginabuhian dili lamang sa ilang pamilya kondili lakip na sa tibuok komunidad sa maong lugar
Photo Courtesy:Historical Marker Hunter Pilipinas
