Usa ka babaye gikan sa Uttarakhand, India ang nakab-ot ang Guinness World Record tungod sa iyang talagsaon nga taas nga buhok, diin nakapukaw usab ug atensyon sa kadaghanan.
Si Renu Dhariyal, opisyal nga giila sa Guinness World Records nga adunay kinatas-ang buhok sa usa ka buhi nga babaye, diin masukod kini ug moabot sa 271.50 sentimetros o 8 feet ug 10 ka pulgada ang gitas-on.
Kahibaloan nga ang iyang buhok gisukod ug gipamatud-an sa Haldwani niadtong Abril ug ang maong rekord nagpakita sa iyang taas nga pasensya, makanunayong pag-atiman, ug dedikasyon sa pagpreserbar sa iyang buhok sulod sa daghang katuigan.
Alang kang Dhariyal, ang iyang taas nga buhok dili lamang simbolo sa talagsaong katahom, apan nagpakita usab sa iyang personal nga dedikasyon ug koneksyon sa kultura ug tradisyon.
Photo Courtesy: x.com
