Misaka ang unemployment rate sa Pilipinas ngadto sa 4.9% niadtong buwan sa Hunyo gikan sa 4.8% sa Mayo sumala sa Philippine Statistices Authority (PSA) sama kini nga anaa sa 2.59M nga mga Pilipino ang walay trabaho.
Bisan pa niini, misaka ang gidaghanon sa mga adunay trabaho ngadto sa 49.63M samtang ang labor force participation rate miabot sa 65.1% kun 53.52M. Miubos usab ang underemployment ngadto sa 12.2% kun 6.11M ka mga mamumuo pa ang nangita og dugang nga oras o kita sa trabaho.
Nagpabilin ang sektor sa serbisyo nga labing dako nga tinubdan sa trabaho, apan nakarekord og dakong pagkawala sa empleyo ang retail ug wholesale trade. Miubos usab ang employment rate sa mga kabatan-onan kun itandi sa samang panahon sa miaging tuig.
Photo courtesy: Philippine Statistics Authority/Fb Page
