Naglaum ang Palasyo nga ang mga indibidwal nga mipirma sa petisyon bahin sa kontrobersyal nga proyekto nga Pax Silica dili “ignorante” sa mga kamatuoran.
Naghisgot kini bahin sa petisyon nga gisang-at sa mga grupo sama sa BAYAN ug International League of Peoples’ Struggles kalabot sa maong proyekto—nga nakatigom na og kapin sa 387,000 ka napamatud-ang mga pirma.
Atol sa press briefing nga gipahigayon sa Presidential Communications Office (PCO) niadtong Huwebes, Agosto 6, si PCO Undersecretary ug Palace Press Officer Atty. Claire Castro mipahayag nga mas maayo kung mahatagan ang mga Pilipino og tukma nga impormasyon bahin sa isyu sa Pax Silica.
Gipasiugda pa sa press officer ang iyang paglaum nga ang mga mipirma sa petisyon nasayod sa mga detalye sa programa.
Kahinumdoman nga ang Pax Silica nakakuha og negatibong mga reaksyon gikan sa daghan tungod sa giingong daotang epekto niini sa kalikopan—ingon man sa suplay sa kuryente ug tubig sa nasud.
Photo Courtesy: radar.ph
