Dakpan ang usa ka lalaki nga construction worker human nga nasakmitan ug iligal nga drugang shabu sa gilusad nga drug buy bust operation sa kapulisan sa Brgy. Mucas , lungsod sa Salug, Zamboanga del Norte niadtong milabayng adlaw.
Giila ang dinakpan nga si alyas Mico, 32 anyos, ug lumulupyo sa Brgy. Kayok, lungsod sa Liloy, Zamboang del Norte. Nasakmit gikan sa dinakpan ang duha ka gramos sa shabu nga nagkantidad ug Php13,600.00 lakip na ang mga non-drug items.
Gipangunahan ang maong operasyon pinaagi sa mga personahe sa Salug Municipal Police Station kauban ang 905th MC RMFB 9. Gikustudiya sa Salug MPS ang donakpan ug mag-atubang sa kasong paglapas sa RA 9165 kon Comprehensive Dangerous Drugs act of 2002.
Photo Courtesy: Salug MPS
