Giduaw ni Vice President Sara Duterte si Senador Rodante Marcoleta, Senador Jinggoy Estrada, ug kanhi kongresista Mike Defensor sa Quezon City Jail Male Dormitory niadtong Agosto 4. Gikumpirma kini sa Bureau of Jail Management and Penology (BJMP).
Sumala sa ahensya, miabot si Duterte mga alas-12 sa udto ug mibiya sa pasilidad alas-3:20 sa hapon. Matud pa sa BJMP, nakigkita si Duterte sa tulo ka opisyal nga anaa karon sa kustodiya sa maong pasilidad.
Si Marcoleta ug Defensor gipapriso niadtong Hulyo, human ipasaka batok kanila ang kasong plunder nga may kalabotan sa giingong ₱75 milyon nga donasyon sa kampanya sa Senado ni Marcoleta niadtong 2025.
Samtang si Estrada, anaa usab sa kustodiya sa BJMP sukad niadtong Hunyo samtang giatubang ang mga kasong plunder ug graft nga may kalabotan sa giingong ₱573 milyon nga kickback gikan sa 2025 flood control budget insertions.
Gipanghimakak ni Estrada ang mga alegasyon batok kaniya ug nakasumite na og mga petisyon aron makagawas pinaagi sa piyansa.
Photo Courtesy: Mike Defensor fb page
