Milarga na paingon sa Chile ang Alas Pilipinas Girls aron motambong sa FIVB Under-17 World Championship nga ipahigayon gikan Agosto 6 hangtod 16.
Sumala kang head coach Edwin Leyva, bisan mubo ang ilang panahon sa pagpangandam, nagsalig siya nga makahimo og maayong pasundayag ang iyang koponan.
Giawhag usab ni Leyva ang mga Pilipino nga suportahan ug mag-ampo alang sa Alas Pilipinas Girls samtang nagrepresentar sa nasod sa internasyonal nga torneyo. Ang Pilipinas, nga ika-25 sa world rankings, naapil sa Pool B uban sa China, Mexico, Peru, Tunisia, ug Venezuela.
Photo Courtesy: PNA
