Kapin 150 ka mga migrante ang naluwas human masunog ang gisakyan nilang bangka samtang nagbiyahe sa French Channel gikan sa France padulong sa United Kingdom. Sumala sa mga otoridad, misulay og tabok ang bangka apan nasunog ang makina niini atol sa paglawig.
Gikatahong 157 ka mga tawo ang naluwas ug gidala ngadto sa pantalan sa Boulogne-sur-Mer alang sa paghatag og tabang ug hustong pag-atiman. Ang bangka milarga gikan sa France niadtong gabii sa Lunes sa wala pa mahitabo ang insidente.
Nahisgutan nga nahitabo ang insidente human nagpahibalo si Prime Minister Andy Burnham nga mahimong mas hugot ang mga polisiya sa pagdawat sa mga migrante. Padayon pa ang imbestigasyon sa mga otoridad kabahin sa panghitabo.
Photo courtesy: Francois Lo Presti/AFP
