Giaprubahan sa Japan Government ang loan nga nagkantidad og P11.54 bilyon aron suportahan ang mga reporma sa Universal Health Care Program sa Pilipinas.
Gipirmahan ni Department of Foreign Affairs Secretary Maria Theresa Lazaro ug Japanese Ambassador Endo Kazuya ang diplomatic notes alang sa maong loan pinaagi sa Japan International Cooperation Agency (JICA).
Ang pondo gamiton sa pagpalig-on sa malungtarong pagpondo sa health care, pagpaayo sa kalidad sa serbisyong panglawas, pagpalambo sa health information system, ug pagpalig-on sa accountability sa mga programa sa panglawas.
Sumala sa Japanese Embassy sa Manila, ang maong suporta makatabang usab sa Pilipinas sa pag-atubang sa epekto sa nagkagrabeng tensyon sa Middle East nga adunay impluwensya sa sektor sa panglawas.
Samtang, gisaulog usab sa House of Representatives ang ika-70 ka anibersaryo sa diplomatikong relasyon tali sa Pilipinas ug Japan pinaagi sa pag-apruba sa House Resolution 1274.
Photo Courtesy: Philippine News Agency
