Gipirmahan na sa Department of Education (DEPED) ug sa Department of the Interior and Local Government (DILG) ang Implementing Rules and Regulations (IRR) sa Republic Act 12199 kon Early Childhood Care and Development System Act.
Sumala ni Education Secretary Sonny Angara, ang maong IRR magpalig-on sa pagpatuman sa mga programa alang sa edukasyon ug nutrisyon sa mga kabataan gikan sa ilang pagkatawo hangtod sa nagpangidaron ug 8-anyos.
Matud ni Angara, kung tinuod nga gustong usbon ang kaugmaon sa Pilipinas, kinahanglan magsugod sa pag-atiman ug pag-edukar sa pinakagagmay nga mga bata.
Lakip sa mga prayoridad sa balaod ang pagpalapad sa access sa quality early learning, pagpalambo sa pagbasa ug pag-ihap sa sayong pangidaron, ug pagtukod sa dugang Child Development Centers sa mga lokal nga panggamhanan.
Sa kasamtangan, P741 million na nga pondo ang gigahin alang sa Child Development Centers nga gipagawas na, diin 200 kapin na ang anaa na sa lainlaing hugna sa pagtrabaho ug sa procurement.
Photo Courtesy:Philippine News Agency
