Nagpahigayon ug orientation ang Juander Radyo Pagadian News Team kabahin sa Juander Radyo Loyalista Incorporated sa may Sitio Compound, Barangay Panagaan, Mahayag, Zamboanga del Sur, adlaw’ng Miyerkules, Agosto 5, 2026.
Ang kalihukan gitambongan sa mga grupo sa mga senior citizens sa pagpanguna sa Presidente nga si Victoriana Tillo nga positibo usab nga mitubag aron mahimong Coordinator sa ilang lugar.
Tumong sa orientation aron mapasabot ug mapaabot ang katuyuan sa organisasyon aron daghan pa ang moapil sa grupo nga panagtinabangay sa panahon nga adunay miyembro nga mutaliwan na sa lainv kalibutan.
Sa mga interesado nga magpamiyembro mahimo kamo nga mangita ug Coordinator dinha sa inyuhang mga lugar aron kamo makapalista ug makaapil sa Juander Radyo Loyalista Incorporated Zamboanga del Sur Chapter.
