Hingpit nang giduso sa House of Representatives ang usa ka sugyot-balaodnon nga nagtumong sa pag-postpone sa umaabot nga Barangay ug Sangguniang Kabataan Elections o BSKE nga orihinal nga gitakdang ipahigayon sa Nobyembre 2,2026.
Ubos sa House Bill No. 10376, gisugyot nga isibog ang eleksyon ngadto sa Nobyembre 2028. Ang maong plano gisang-at sa pipila ka mga House leaders ug deputy speakers sa Kamara, sama nila Congressmen Garin, Acidre, KhongGun, Ortega og Ridon.
Apan, sumala sa nahisgutan, anaa pa kini sa unang pagbasa ug moagi pa sa daghang proseso sa lehislatura, lakip ang committee deliberations, ikaduhang pagbasa, ikatulong pagbasa, ug pag-apruba sa Senado. Kon adunay kalainan sa bersyon sa Kamara ug Senado, pagahisgutan pa kini sa bicameral conference committee sa dili pa ipadala ngadto sa Pangulo alang sa pinal nga pirma.
Gipasabot sa mga opisyal nga wala pa’y opisyal nga pag-postpone sa BSKE, tungod kay ang maong sugyot dili pa balaod ug kinahanglan pa nga mahuman ang tanang proseso sa Kongreso sa dili pa kini mahimong epektibo.
Photo Courtesy: PNA.gov.ph
