Gi-turnover sa Lokal nga Panggamhanan sa Tagum ang mulching materials ug rainboots nga nagkantidad og ₱102,865 ngadto sa lima ka farmers’ associations sa syudad niadtong Agosto 3, 2026 isip suporta sa pagpalig-on sa vegetable production ug pagtabang sa pagpakunhod sa gasto sa mga lokal nga mag-uuma.
Gipangulohan ni Mayor Rey T. Uy, kauban si City Councilor Wes Caasi ug mga personahe sa City Agriculture Office, ang turnover sa agricultural inputs ngadto sa lima ka vegetable farmers’ associations sa siyudad.
Ang maong suporta gihatag ubos sa Vegetable Production Support Program sa City Agriculture Office aron matabangan ang mga mag-uuma sa ilang panginahanglan ug mapadayon ang pagpalambo sa produksyon sa gulay sa dakbayan.
Sumala sa City Agriculture Office, gilauman usab nga makadawat og susamang suporta ang laing 13 ka farmers’ associations isip kabahin sa padayon nga inisyatiba sa lokal nga panggamhanan sa pagpalig-on sa sektor sa agrikultura sa Tagum City.
Phot Courtesy: City Government of Tagum
