Gireklamo sa mga ka residente ang giingong balik-balik nga riot nga gihimo sa usa ka grupo sa mga kabatan-onan sa Purok 1-B, Barangay San Juan, Surigao City.
Gibutyag nga adunay mga grupo sa kabatan-onan nga naghimo og kasamok sa maong lugar panahon sa kagabhion, hinungdan nga nabalaka ang mga lumulupyo sa ilang kaluwasan ug sa kalinaw sa komunidad.
Gipadayag usab sa nagreklamo ang kabalaka sa kakulang sa regular nga pagpatrolya sa mga barangay tanod nga mahimong makatabang sa pagpugong sa mga insidente sa kagubot.
Tungod niini, nanawagan ang residente sa mga opisyal sa Barangay San Juan nga palig-onon ang seguridad pinaagi sa kanunay nga pagpatrolya, ilabina sa gabii, ug pagresponde dayon sa mga insidenteng makasamok sa maong lugar.
