Duha ka gipasanginlang drug personalities ang nadakpan sa buy-bust operation nga gipahigayon sa Station Drug Enforcement Team sa Police Station 2 sa Bacolod City Police Office sa Gatuslao Street, Barangay 8, Bacolod City.
Giila ang mga nadakpan nga sila alyas “Joy,” 44 anyos, ug alyas “Ronald,” 32 anyos. Sumala sa kapulisan, nadakpan ang duha human gibaligya ang usa ka sachet sa gituohang shabu ngadto sa police poseur-buyer kapalit sa ₱500.
Narekober usab sa operasyon ang dugang nga mga sachet sa gituohang shabu gikan sa duha ka suspek.
Ang mga nadakpan karon nag-atubang og kaso sa paglapas sa Republic Act 9165 o Comprehensive Dangerous Drugs Act of 2002.
